അറ്റ്‌ലാന്റിസിലെ ദ് ലോസ്റ്റ് ചേംബേഴ്‌സ് അക്വേറിയം ഒട്ടേറെ കുടുംബങ്ങളെ അനുദിനം ആകര്‍ഷിക്കുന്നു. വെള്ളത്തിനടിയിലെ ജീവിതം അടുത്തറിയാനും ആസ്വദിക്കാനും ഈ കേന്ദ്രം ഏറെ സഹായകമാകുന്നു. ഭൂഗര്‍ഭ ടണലിലെ മറൈന്‍ സൂ ഏവരെയും ആകര്‍ഷിക്കും.

65,000 മറൈന്‍ അനിമലുകളാണ് ദ് ലോസ്റ്റ് ചേംബേഴ്‌സിലുള്ളത്. കടല്‍ക്കുതിരകളും സ്രാവുകളുമടക്കമുള്ള ഭീമന്‍മാരുമുണ്ട്. ഇവയെക്കുറിച്ചെല്ലാം പറഞ്ഞുതരാന്‍ ജീവനക്കാര്‍ സുസജ്ജം.

സെവന്‍ സേജ് ചേംബറില്‍ നിന്ന് കാര്യങ്ങള്‍ ഗ്രഹിക്കാനും ആസ്വദിക്കാനും സാധിക്കുന്നു. തിരശ്ശീലക്ക് പിന്നിലെ കാര്യങ്ങളറിയാനുള്ള യാത്രയില്‍ മത്സ്യ ആശുപത്രിയടക്കം നിങ്ങളെ വിസ്മയിപ്പിക്കും. കൂടാതെ, ഷാര്‍ക് സഫാരി, റേയ് ഫീഡിങ്, അള്‍ട്ടിമേറ്റ് സ്‌നോര്‍കല്‍, അള്‍ട്ടിമേറ്റ് ഡൈവ് എക്‌സ്പീരിയന്‍സ് എന്നിവയും ഇവിടെയുണ്ട്.