പച്ചപ്പട്ട് വിരിച്ചുനില്‍ക്കുന്ന ക്രീക്ക് പാര്‍ക്കിനോട് ചേര്‍ന്നാണ് കുട്ടികളുടെ സ്വപ്നഭൂമി ചില്‍ഡ്രന്‍സ് സിറ്റി സ്ഥിതി ചെയ്യുന്നത്. പിഞ്ചുകുട്ടികള്‍ മുതല്‍ മുതിര്‍ന്നവര്‍ക്ക് വരെ മണിക്കൂറുകളോളം കളിച്ചുരസിക്കാനും വിദ്യകള്‍ നുകരാനും യോജിച്ച കേന്ദ്രമാണിത്.

ഇരുനില വിദ്യാഭ്യാസ കേന്ദ്രത്തില്‍ നിന്ന് മനുഷ്യ ശരീരത്തെക്കുറിച്ചും രസതന്ത്രത്തെക്കുറിച്ചുമൊക്കെ കൊച്ചുകൂട്ടുകാര്‍ക്ക് മനസിലാക്കാന്‍ സാധിക്കും. വിവിധ മൃഗങ്ങളുടെ മാതൃകകള്‍ കണ്ട് അവയെക്കുറിച്ച് അറിവുകള്‍ നുകരാം. സാങ്കേതികതയെക്കുറിച്ചും കംപ്യൂട്ടറിനെക്കുറിച്ചുമൊക്കെ പഠിച്ചെടുക്കാം. ഹെലികോപ്റ്റര്‍, വിമാനം എന്നിവയുടെ രഹസ്യങ്ങളും അറിയാന്‍ സാധിക്കും.

ഇന്‍ഡോര്‍, ഓട്ട്‌ഡോര്‍ സിറ്റിങ് സൗകര്യമുള്ള ഗ്രൗണ്ട് ഫേïാറില്‍ മാലിക് ബര്‍ഗര്‍ കുട്ടികളുടെ രുചിക്ക് നാനാര്‍ഥം പകരുന്നു. കൂടാതെ, ഐസ്‌ക്രീം, കാന്‍ഡി, സ്‌നാക്ക്‌സ് എന്നിവയും യഥേഷ്ടം. കുട്ടികളോടൊപ്പം മധുരതരമായ ഒരുല്ലാസം-അതാണ് ചില്‍ഡ്രന്‍സ് സിറ്റി.