നിങ്ങളുടെ അയല്‍പക്കത്ത് സ്ഥിതി ചെയ്യുന്ന ഷോപ്പിങ് കേന്ദ്രമാണ് എത്തിഹാദ് മാള്‍. മുഹൈസിന ഖവാനീജ് റോഡില്‍ സ്ഥിതി ചെയ്യുന്ന മാള്‍ നിങ്ങള്‍ക്ക് വേണ്ട എല്ലാ ഉത്പന്നങ്ങളും ഒന്നിച്ച് തിരഞ്ഞെടുക്കാന്‍ സൗകര്യമുള്ള ഒന്നാണ്.

അബായയുടെയും മറ്റും വിശാലമായ ശേഖരമുള്ള ഗള്‍ഫ് ഫാഷന്‍ സ്‌റ്റോറുകളാണ് പ്രത്യേകതകളിലൊന്ന്. പ്രമുഖ രാജ്യാന്തര കമ്പനികളുടെ കണ്ണടകള്‍, ഇലക്‌ട്രോണിക്‌സ് ഉത്പന്നങ്ങള്‍, മൊബൈല്‍ ഫോണുകള്‍, സുഗന്ധദ്രവ്യങ്ങള്‍, അറബിക് സെന്റുകള്‍ തുടങ്ങിയവയും യഥേഷ്ടം തിരഞ്ഞെടുക്കാം. സൗന്ദര്യസങ്കല്‍പങ്ങള്‍ പൂര്‍ത്തീകരിക്കാനുതകുന്ന ഔട്‌ലെറ്റുകളും ഫാര്‍മസികളും പ്രത്യേകതകളാണ്. ഹെര്‍ബല്‍ ഹോം ബോട്ടിക്, ബോഡി കെയര്‍, കാന്‍ഡി ബോട്ടിക് എന്നിവയും നിങ്ങളെ കാത്തിരിക്കുന്നു.

ഭക്ഷ്യോത്പന്നങ്ങളും കളിപ്പാട്ടങ്ങള്‍, വസ്ത്രങ്ങള്‍, ഇലക്‌ട്രോണിക്‌സ് ഉത്പന്നങ്ങള്‍ തുടങ്ങിയ തിരഞ്ഞെടുക്കാനുള്ള യൂണിയന്‍ കോ ഓപറേറ്റീവ് ഹൈപ്പര്‍മാര്‍ക്കറ്റിന്റെ വലിയ ശാഖയും ഷറഫ് ഡിജി റിട്ടെയ്ല്‍ ഷോപ്പും രുചിവൈവിധ്യമാര്‍ന്ന അറബിക് മധുരപലഹാരങ്ങളുടെ കടകളും ഇവിടെയുണ്ട്.

കഫെകളും കോഫി ഷോപ്പുകളുമാണ് മറ്റു പ്രധാന കേന്ദ്രങ്ങള്‍. ഷെയ്ക്‌സ്പിയര്‍ ആന്‍ഡ് കമ്പനി, ഗ്ലോറിയ ജീന്‍സ് തുടങ്ങിയ രാജ്യാന്തര ബ്രാന്‍ഡുകളും സ്ഥാനം പിടിച്ചിരിക്കുന്നു