ആര്‍ക്കും എളുപ്പത്തില്‍ എത്തിപ്പെടാന്‍ സാധിക്കുന്ന നഗരഹൃദയ പ്രദേശമായ മംസാറിലെ അല്‍ ഷബാബ് കïബിനടുത്ത് സെഞ്ച്വറി മാള്‍ സ്ഥിതി ചെയ്യുന്നത്. സെഞ്ച്വറി മാള്‍ യഥാര്‍ഥത്തില്‍ മാള്‍ ഓഫ് ദ് സെഞ്ച്വറി എന്നാണ് അറിയപ്പെടേണ്ടത്.

ഒന്നര ലക്ഷം ചതുരശ്ര അടി വിസ്തീര്‍ണത്തില്‍ സ്ഥിതി ചെയ്യുന്ന സെഞ്ച്വറി മാള്‍ ഷോപ്പിങ്ങിനോടൊപ്പം വിനോദത്തിനും അനുയോജ്യമായ ഇടമാണ്. വിപണിയിലെ ഏറ്റവും പുതിയ ഉത്പന്നങ്ങള്‍ ഇവിടുത്തെ 75 കടകളില്‍ ലഭ്യമായിരിക്കും. നവീന ഫാഷനിലുള്ള സാധനങ്ങളും പാദരക്ഷകളുടെയും വന്‍ശേഖരമാണ് ഇവിടെയുള്ളത്. കൂടാതെ, വാച്ചുകള്‍, ബാഗുകള്‍, ജ്വല്ലറി, സൗന്ദര്യവര്‍ധക വസ്തുക്കള്‍, ഗിഫ്റ്റ്, ഇലക്‌ട്രോണിക് ഉത്പന്നങ്ങള്‍, വീട്ടുപകരണങ്ങള്‍ എന്നു വേണ്ട സകലതും ഒരിടത്ത് നിന്ന് തന്നെ വാങ്ങിക്കമമെങ്കില്‍ മടിച്ചുനില്‍ക്കേണ്ട, സെഞ്ച്വറി മാളിലേയ്ക്ക് പോന്നോളൂ.

ജാക്കീസ് ഇലക്‌ട്രോണിക്‌സ്, ദാമാസ് ജ്വല്ലറി എന്നിവ കൂടാതെ, യുഎഇയുടെ പ്രിയപ്പെട്ട കാര്‍ഫോര്‍ ഹൈപ്പര്‍മാര്‍ക്കറ്റും ഇവിടെയുണ്ട്. അമ്യൂസ്‌മെന്റ് തീം പാര്‍ക്കായ ജംഗിള്‍ ബംഗിള്‍ കുട്ടികളെയും മുതിര്‍ന്നവരെയും ഒരുപോലെ ആകര്‍ഷിക്കും. വ്യത്യസ്ത രുചിപകരുന്ന ഫുഡ് കോര്‍ട്ടുകളാണ് മറ്റൊരു പ്രത്യേകത. മനസ് നിറഞ്ഞുതുളുമ്പിക്കൊണ്ടായിരിക്കും നിങ്ങള്‍ ഈ മാളില്‍ നിന്ന് മടങ്ങുക.