നഗരത്തില് മുന്നിരയില് നിന്നുകൊണ്ട് ആഡംബരത്തിനും ആതിഥേയത്വത്തിനും ബിസിനസ് യാത്രകള്ക്കും പുതിയ നിര്വചനങ്ങള് നല്കുന്നു ഈ ഹോട്ടല്. ഡൗണ് ടൗണ് ദുബൈയുടെ ഹൃദയ ഭാഗത്ത് സ്ഥിതി ചെയ്യുന്ന ഈ ഹോട്ടലിന്റെ തൊട്ടടുത്താണ് ലോകത്തിലെ ഏറ്റവും വലിയ അംബരചുംബിയായ ബുര്ജ് ഖലീഫയും അത്ഭുതകരമായ ദുബൈ ഫൗണ്ടനും. ലോകത്തിലെ ഏറ്റവും വലിയ ഷോപ്പംഗ്, വിനോദ കേന്ദ്രമായ ദുബൈ മാളും തൊട്ടടുത്താണ്. 63 നിലകളില് 196 അത്യാഡംബര മുറികളും 626 റസിഡന്സുകളുമുള്ള ദ അഡ്രസ് ഡൗണ് ടൗണില് വൈവിധ്യമാര്ന്ന ഭക്ഷ്യാനുഭവങ്ങളും അത്യാധുനികമായ മീറ്റിംഗ്, ഈവന്റ് വേദികളും സ്പായും സര്വസജ്ജമായ ഫിറ്റ്നെസ് സെന്ററും തണുത്ത നീന്തല് കുളവും മറ്റ് നിരവധി സൗകര്യങ്ങളും ഒരുക്കിയിരിക്കുന്നു. ഹോട്ടലിലെ ഏഴ് റെസ്റ്റോറന്റുകള് ഇവിടത്തെ താമസക്കാരെയും സന്ദര്ശകരെയും വീണ്ടും വീണ്ടും അവാര്ഡുകള് വാരിക്കൂട്ടിയ ഈ ഹോട്ടലിലേക്ക് ആകര്ഷിക്കുന്നു. ദുബൈ ഇന്റര്നാഷനല് എയര്പോര്ട്ടില് നിന്ന് 15 മിനുട്ടില് താഴെ മാത്രം യാത്രാദൂരവും ദുബൈയിലെ സുപ്രധാന കേന്ദങ്ങളുടെ സാമീപ്യവും കാരണം വര്ഷം മുഴുവന് 100 ശതമാനം ഒക്യുപന്സിയാണ് ഈ ഹോട്ടലിനുള്ളത്. 24 മണിക്കൂറും പ്രവര്ത്തിക്കുന്ന അത്യാധുനിക ഉപകരണങ്ങള് അടങ്ങിയ ഫിറ്റ്നെസ് സെന്റര് ഇവിടെയുണ്ട്. ബിസിനസ് ലോഞ്ച്, ലൈബ്രറി, മീറ്റിംഗ് ഹാള് തുടങ്ങിയ സൗകര്യങ്ങള് ലഭ്യമാണ്. ഗ്ലോബല് ട്രാവലര് ആന്വല് റീഡര് സര്വേ അവാര്ഡുകളില് കഴിഞ്ഞ തുടര്ച്ചയായ രണ്ടു വര്ഷങ്ങളിലും ബെസ്റ്റ് ഹോട്ടല് ഇന് ദ വേള്ഡ് അവാര്ഡ് ദ അഡ്രസ് ഡൗണ്ടൗണ് ദുബൈക്ക് ലഭിച്ചിട്ടുണ്ട്.