ലോകത്തെ മികച്ച മാരത്തണ്‍ ഓട്ടക്കാരുടെ ആകര്‍ഷണ കേന്ദ്രമാണ് ദുബായ്. സ്റ്റാന്‍ഡേര്‍ഡ് ചാറ്റേര്‍ഡ് ദുബായ് മാരത്തണില്‍ പങ്കെടുക്കാന്‍ ഇവരെല്ലാം ഏറെ താത്പര്യം കാണിക്കുന്നു.

ഡൗണ്‍ടൗണ്‍ ദുബായിലെ ബുര്‍ജ് ഖലീഫായുടെ അടുത്തു നിന്നാണ് രാവിലെ ഏഴിന് 10 കിലോ മീറ്റര്‍ ദൈര്‍ഘ്യമുള്ള മാരത്തണ്‍ ആരംഭിക്കുക. ബുര്‍ജ് ഖലീഫയുടെ ചുറ്റുവട്ടത്തുമുള്ള പാതകളിലൂടെ കൂട്ടയോട്ടം കടന്നുപോകുന്നു. പ്രഫഷനലുകളും അല്ലാത്തവരുമായ ഏതാണ്ട് 2,500 പേര്‍ ഈ മത്സരങ്ങളില്‍ പങ്കെടുക്കാറുണ്ട്. കൂടാതെ, മൂന്ന് കിലോ മീറ്റര്‍ ഫണ്‍ റണ്‍ പത്തരയ്ക്ക് ആരംഭിക്കുന്നു. ഇത് കുടുംബങ്ങള്‍ക്ക് പങ്കെടുക്കാവുന്നതാണ്.

ഒട്ടകങ്ങളുടെയും ഭീമന്‍ പഴവര്‍ഗങ്ങളുടെയും കാര്‍ട്ടൂണ്‍ കഥാപാത്രങ്ങളുടെയും സൂപ്പര്‍ ഹീറോകളുടെയും രൂപത്തിലുള്ള പ്രച്ഛന്ന വേഷക്കാര്‍ മ-രത്തണിലെ കൗതുകക്കാഴ്ചകള്‍. മാരത്തണ്‍ വില്ലേജായ ബുര്‍ജ് പാര്‍ക്കില്‍ വ്യത്യസ്ത രുചികളുടെ ഫുഡ്-ബിവറേജസ് ഔട്ട്‌ലറ്റുകള്‍ കാണാം. ജീവകാരുണ്യപ്രവര്‍ത്തനങ്ങള്‍ക്ക് വേണ്ടി നടത്തുന്ന ഈ കൂട്ടയോട്ടത്തില്‍ പങ്കെടുക്കുമ്പോള്‍ പതാകകളും ബാനറുകളും കൊണ്ട് വരാന്‍ മറക്കരുതേ.