ദുബായ് ഷോപ്പിങ് ഫെസ്റ്റിവലി(ഡിഎസ്എഫ്)ന്റെ പ്രധാന കേന്ദ്രമായ ഗ്ലോബല്‍ വില്ലേജില്‍ ലോകം സമ്മേളിക്കുന്നു. കുടുംബസമേതം ആഘോഷിക്കാനുള്ള പരിപാടികളാണ് ഇവിടെ ഒരുക്കിയിട്ടുള്ളത്.

വിവിധ രാജ്യങ്ങളുടെ കലാ-സാംസ്‌കാരിക-പൈതൃകങ്ങള്‍ ലോകത്തിന് മുന്നില്‍ പ്രദര്‍ശിപ്പിക്കുന്ന ആഗോളഗ്രാമത്തില്‍ ലോകത്തെ ഒട്ടേറെ രാജ്യങ്ങളുടെ പങ്കാളിത്തമുണ്ട്. ലോകരാജ്യങ്ങളിലെ ഏറ്റവും പുതിയ വിനോദങ്ങളാണ് സന്ദര്‍ശകരെ കാത്തിരിക്കുന്നത്. കൂടാതെ, എണ്ണിയാലൊടുങ്ങാത്ത റൈഡുകളുമുണ്ടായിരിക്കും. വിവിധ രാജ്യങ്ങളിലെ ഭക്ഷണ രുചി അറിയാന്‍ റസ്റ്റന്റുകളും തട്ടുകടകളും ഒരുങ്ങി. ഹോളിവുഡ്-ബോളിവുഡ്-അറബ് കലാകാരന്മാര്‍ ഉള്‍പ്പെടെ ലോകത്തിന്റെ വിവിധ ഭാഗങ്ങളില്‍ നിന്നുള്ളവരുടെ കലാവിരുന്നുമുണ്ടാകും. പ്രാദേശിക കലാകാരന്മാര്‍ക്കായി കമ്യൂണിറ്റി സ്‌റ്റേജ് ഷോയും ഒരുക്കുന്നു.