ഗള്‍ഫില്‍ ഏറ്റവും കൂടുതല്‍ പേര്‍ സന്ദര്‍ശിച്ച ഷോപ്പിങ് കേന്ദ്രമാണ് ദെയ്‌റ സിറ്റി സെന്റര്‍. 1995ല്‍ സ്ഥാപിതമായ ഈ പ്രധാന ഷോപ്പിങ് മാള്‍ യുഎഇയിലെത്തുന്ന ഏവരും ആദ്യം സന്ദര്‍ശിക്കുന്ന വ്യാപാര സമുച്ചയമാണ്. ഗള്‍ഫില്‍ ആദ്യമായാണ് ഒന്നിലേറെ ആവശ്യങ്ങള്‍ക്ക് ഉപയോഗിക്കാവുന്ന ഇത്തരം ഷോപ്പിങ് മാള്‍ യാഥാര്‍ഥ്യമായത്.

റിട്ടെയ്ല്‍ ഔട്ട്‌ലറ്റുകള്‍, റസ്റ്ററന്റുകള്‍, വിനോദകേന്ദ്രങ്ങള്‍, കഫെകള്‍, ഹോട്ടല്‍ എന്നിവയാല്‍ സമ്പന്നമാണിവിടം. 115,000 ചതുരശ്ര മീറ്റര്‍ വിസ്തീര്‍ണത്തില്‍ ആകെ 370 റിട്ടെയ്ല്‍ സ്‌റ്റോറുകള്‍ പ്രവര്‍ത്തിക്കുന്നു. പുതുതലമുറയ്ക്ക് ഉല്ലസിക്കാന്‍ മാജിക് പ്ലാനറ്റ്, ബൗളിങ് സിറ്റി, വോക്‌സ് സിനിമാസ്(11 സ്‌ക്രീന്‍, 3000 സീറ്റുകള്‍) തുടങ്ങിയവ ശ്രദ്ധേയം. പഞ്ചനക്ഷത്ര ഹോട്ടലായ സിറ്റി സെന്റര്‍ ഹോട്ടല്‍ ആന്‍ഡ് റസിഡന്‍സ് ഇതിനോട് ചേര്‍ന്ന് നിലകൊള്ളുന്നു.